Қозыбаев университетінде «Мамандығым – болашағым» өңірлік жобалық кеңсесінің ашылу салтанаты өтті. Жоба өңірдегі еңбек нарығындағы өзгерістерді болжау және студенттерге ерте кәсіптік бағдар беруге бағытталған.
Университет қызметкерлері 5 күн ішінде қарқынды түрде форсайт зерттеу әдістемесі бойынша сертификаттау курсынан өтеді. Оқыту семинарының нәтижелері бойынша олар өңірлік жобалау кеңсесінің командасына қосылып, кадрлар қажеттілігінің өңірлік картасын жасауға бағытталған, өңірдің негізгі сала мамандарының қатысуымен форсайт зерттеу жүргізеді.
Өңірлік кеңсенің ашылуында ҚР ҒЖБ министрі Саясат Нұрбек өңірлік атлас құрудың маңыздылығын атады: «Аталмыш жоба – үлкен бастама. Келесі жылдың соңына дейін біз еліміздің барлық өңірлерін осы жұмыспен қамтуды жоспарлап отырмыз. 2022 жылы Павлодар өңірінен бастаған карта аяқталды: 20 жоғары кәсіптік білім ұйымдарының негізінде 40тан астам жаңа мамандықтар пысықталды. Біз әсіресе басымдықты өңірлік университеттерге береміз. Жаңа кәсіптер мен дағдыларды анықтап, жаңа оқу бағдарламалары мен қолданыстағы оқу бағдарламаларын түзетуден бастаймыз. Сондықтан, университеттің әдіснамамен танысу маңызды. Өйткені, жаңартатын барлық оқу бағдарламалары аймақтық атласпен байланыстырылады. Міндетті түрде атласпен қолдану үшін арнайы презентация жасаймыз. Жоба аясында әкімдік, министрлік және М. Қозыбаев атындағы СҚУ бірлесіп жұмыс істейміз. Жақсы платформа болады деп сенемін».
Қазіргі уақытта «Мамандығым – болашағым» жобасы еліміздің 11 өңірінде жүзеге асырылуда. Астана қаласы, Павлодар және Маңғыстау облыстарында кадрларға қажеттіліктің өңірлік картасын әзірлеу аяқталды, осы өңірлердің басым секторларының ішінен мүмкіндігі жоғары мамандықтар анықталды және білім алушылар арасында кәсіби диагностика жүргізілді, нәтижелері бойынша олар өздерінің бейінін және кәсіби қызметте іске асыру мүмкіндіктерін анықтады.
