Қозыбаев университетіндегі қайта даярлау және біліктілікті арттыру институты облыстағы білім берудің негізгі әдістемелік орталықтарының бірі. Қоғам дамуының ерекшеліктерін ескере отырып, кадрлардың біліктілігін арттыру және қайта даярлау бойынша жұмыс істейді.
Бүгінде мұнда 10 Бб бағдарламасы бойынша жоғары педагогикалық мамандығы бар оқытушыларды қайта даярлау курстары өтуде: «Дене шынықтыру және спорт», «Дене шынықтыру және бастапқы әскери дайындық», «Қазақ тілі мен әдебиет», «Бастауыш оқыту педагогикасы мен әдістемесі», «Әлеуметтік педагогика», «Химия», «Көркем еңбек», «Мектепке дейінгі оқыту және тәрбиелеу», «Орыс тілі мен әдебиет», «Дефектология (логопедия)». Тыңдаушылар қатары: СҚО мен Петропавл.қ мектептерінің мұғалімдері. Барлығы 70 адам. Алты ай бойы интерактивті технологиялар мен заманауи әдістемелерге негізделген педагогиканың тенденцияларын зерттейді.
Педагогикалық қайта даярлаудың, басқа мамандықтардың өкілдеріне де арналған курстары бар. Мәселен, заңгерлер, экономистер, журналистер, т.б. Кейін олар бакалавриат бағдарламасы бойынша колледждер мен мектептерде сабақ беру мүмкіндігіне ие болады. Курс 1200 сағатқа есептелген. Оқуды аяқтағаннан кейін түлектер сертификаттарға ие болады. Сабақтарды университетіміздің ПОҚ өкілдері онлайн режимінде жүргізеді.
