24 қазанда елімізде Кітапханашылар күні атап өтіледі. Қозыбаев университетінде осы күнге арналған «Современная библиотека и вызовы времени» ореп space форматындағы шара ұйымдастырылды. Жиында оқырмандар мен «AMANAT» партиясы «Болашақ» филиалының өкілдері кітапхана бөлімінің даму үрдісін талқылады. ЖОО кітапханасында ұзақ жылдар бойы еңбек еткен қызметкерлер естеліктерімен бөлісті. Олардың барлығы Басқарма Төрағасы – Ректордың алғыс хаттарымен марапатталды.
Кездесуде Басқарма мүшесі Рашит Белгібаев әріптестерін кәсіби мерекелерімен құттықтап, бүгінгі таңда өзекті мәселелердің бірі - студенттердің ақпарат көздерімен жұмыс істеу дағдыларына тоқталды.
Білім ордамызда кітапхана жұмысын трансформациялаудың үлкен процесі басталды. Бүгінде оның қорында мемлекеттік тілде, орыс, ағылшын, неміс, француз, түрік, қытай және басқа тілдердегі кітаптардың шамамен 1 млн данасы бар. Оқу процесінде белсенді қолданылатын ең танымал әдебиеттердің көпшілігі цифрлық форматқа көшірілді. Электрондық форматта барлық мамандықтардың студенттері үшін қол жетімді.
Білім алушылар 4 мыңнан астам оқулық орналасқан Республикалық Жоғары оқу орындары Аралық Электрондық Кітапхананы (РМЭБ) және «Эпиграф» электрондық дерекқорын пайдалана алады. Университетте 7 оқу залы мен 8 абонемент жұмыс істейді. Оқырмандардың кітапхананың коворкинг орталығында әдебиетті оқуға мүмкіндіктері бар.
