18 жыл қызметі мен еңбегінің нәтижесінде ЖОО-ның 2 оқу корпусына көрнекті ғалым Қанаш Шәкенов есімі берілді. Туыс-бауырларының көмегімен дәл осы ғимараттың жөнделген фойесінде қабылдау бөлмесі құрылды.
«Қанаш ағамыздың шәкірті болғаныма мақтан тұтамын. Ол үлкен құрметке лайық. Сол кезде университет ректоры болған Қанаш Шәкенұлы партияның бірінші хатшысынан кейінгі тұлға еді.Оқу ордамыздың негізін қалады. Міне енді 2 оқу корпусының 4 қабатында атаулы аудитория ашып қана қоймай, оқу корпусына аты беріліп отыр. Қанаш Шәкенұлының аты ел есінде мәңгі сақталып қалатынына сенемін», -деп бөлісті құрметті профессор Мүкарам Тайжанова.
Оқытушы университеттің қарқынды дамуына өлшеусіз үлес қосты: екі ғимарат, үш жатақхана, қызметкерлерге арналған екі жайлы тұрғын үй салынды.
«Қанаш Шәкенұлының ең басты қасиеті – қарапайымдылық. Мәскеу мемлекеттік университетімен тығыз байланыс орната бастады. Осы стратегиялық серіктестіктің арқасында студенттер алмасу , оқытушылар өндірістік тәжірибеден өтіп, докторлық дәрежесін алды. Шын мәнінде, дамуға өте үлкен серпіліс берген тұлға », - деді Басқарма Төрағасы-Ректор м.а. Рената Апергенова.
Айтулы сәттің құрметті қонақтары болған ПОҚ, әріптестері,шәкірттері жылы лебіздерін білдірді.
