25 қазан Мейрамы жанданып мереке ретінде бекітілді. Біршама жылдан соң ел болып қайта тойланып жатқан күннің маңызын университет студенттері патриоттық бағыттағы шығармашылық қойылымдары арқылы ұсынды. «Төл тарихымызға тағзым» атты концерттік бағдарламаны тамашалауға университет басшылығы, оқытушылар және жоғары оқу орнының тыныс тіршілігіне ат салысып жүрген барлық ұжым қатысты.
Бұл күнде ғылым және жоғары білім саласындағы білікті мамандарды даярлаудағы жоғары жетістіктері үшін бірқатар қызметкерлер мен оқытушылар ҚР ҒЖБМ марапаттарына ие болды: «Ғылымды дамытуға сіңірген еңбегі үшін» төсбелгісімен ТжӘИ директоры Елена Сабиева марапатталды, «Ана тілін дамытуға қосқан үлесі үшін» төсбелгісін «Практикалық қазақ тілі» кафедрасының меңгерушісі Татьяна Ахметова алды.
Университеттің тағы 20-дан астам қызметкерлері мен оқытушыларына ҚР ҒЖБМ құрмет грамоталары мен алғыс хаттары табысталды. Қазақстан Республикасы күні мемлекетіміздің бостандығы мен бірлігінің нышаны. Отанымызға тұрақтылық тілейміз!
