Қазақстан Республикасы күні қарсаңында Мемлекет басшысы Қасым-Жомарт Тоқаевтың Жарлығымен еліміздің әлеуметтік-экономикалық, мәдени және рухани дамуына, достық пен халықтар арасындағы ынтымақтастықты нығайтуға қосқан елеулі үлесі үшін мемлекеттік наградалар берілді.
«Құрмет» орденімен Қозыбаев университетінің профессоры, Қазақстан тарихы және әлеуметтік-гуманитарлық пәндер кафедрасының доценті, тарих ғылымдарының кандидаты Анатолий Плешаков марапатталды. Атақты археолог еліміздің солтүстік өңірінің материалдық мәдениеті мен тарихи мұрасын зерттеуге өлшеусіз үлес қосты. Ол көп жылдан бері ауыл іргесіндегі ерте темір дәуіріндегі СҚО Долматово елді мекені маңындағы Ақ-Ирий қалашығын жан-жақты зерттеумен айналысады. Қазба орындарында студенттермен және мектеп оқушыларымен бірге ежелгі адамдардың өмірі мен мәдениетін жаңғыртты.
«Ашық аспан астындағы мұражай (тас, энеолит, қола және ерте темір дәуірінің тұрғын үй-шаруашылық кешендерін қайта құру)» авторлық куәлігі алынды. Осылайша, Ақ-Ирий елді мекенінде профессор Плешаковтың жетекшілігімен тас дәуірінен орта ғасырларға дейінгі әртүрлі дәуірлердегі процестерді қайта құрумен бір археологиялық нысанның негізінде мұражай кешенін құру қолға алынды.
Анатолий Плешаков солтүстікқазақстандық археологиялық экспедицияны 40 жылдан астам басқарып келеді. 200-ге жуық ғылыми еңбектер мен монографиялар жариялады. «Қазақстан Республикасының білім беру ісінің құрметті қызметкері», «Қазақстан Республикасының Ғылымын дамытуға сіңірген еңбегі үшін» төсбелгілерімен, көптеген грамоталармен және алғыс хаттармен марапатталған.