Қарағандыда жазғы полиатлоннан Қазақстан Кубогы өтті. Жарысқа еліміздің он облысынан, Астана және Алматы қалаларынан 12 мен 77 жас аралығындағы 100-ден астам спортшы қатысты. Полиатлон немесе жазғы Президенттік көпсайыс спринт, пневматикалық мылтықтан ату, төзімділікке жүгіру, жүзуді қамтиды.
Қозыбаев университетінен Никита Изотов (ФКНВП-21) мен Арсен Хамзин (ФКС-21-1) СҚО құрамасы сапында өнер көрсетті. Біздің спортшылар үш алтын және екі күміс медаль жеңіп алды!
Никита Изотов ату және жүзуден үздік нәтижеге қол жеткізді.Ол, жалпы біріншілікте барлық жас аралығындағы спортшылардан озып шығып, 18-20 жас тобында «алтын» алды. Арсен Хамзин дәл осы жас тобында екінші болып, жалпы біріншілікте күміс жүлдегер атанды.
Спортшылар қатарында университетіміздің түлектері де бар: Жоломан Ақтари (алтын және қола), Артем Батрак («күміс»), Ольга Вернер («алтын»). Бүгінде ұлттық құраманы ДӘТТӘ кафедрасының аға оқытушысы Александр Наумов жаттықтыруда. Сәттілік пен жаңа жеңістер тілейміз!
