М.Қозыбаев атындағы Солтүстік Қазақстан университеті Тіл және әдебиет институты «Практикалық қазақ тілі» кафедрасының ұйымдастыруымен 2023 жылдың 3-25 қазаны аралығында Қазақ Ғылым академиясының Тұңғыш Президенті Қаныш Сәтпаевтың, қазақ әдебиетінің көрнекті қайраткері Мұхтар Әуезовтің мерейтойларын атап өту аясында «Ұлы даланың ұлы тұлғалары» тақырыбында эссе байқауы өткізілді. Шараға жауапты ф.ғ.к. аға оқытушы Қуандықова Д. Қ.
Эссе байқауын өткізудің мақсаты орта арнаулы оқу орындары, орта мектеп оқушыларын, ЖОО білім алушыларын Отанды сүюге, өз елін, тарихын білуге ынталандыру; сонымен қатар жастардың бойында ұлттық сананы оята отырып, олардың туған халқына деген құрмет, сүйіспеншілік, мақтаныш сезімін елдің егемендігі мен тәуелсіздігін алу жолында қажырлы еңбек еткен ұлы тұлғалар Қазақ Ғылым академиясының Тұңғыш Президенті Қаныш Сәтпаевтың, қазақ әдебиетінің көрнекті қайраткері Мұхтар Әуезовтің өмірі мен шығармашылығын дәріптеу, сол арқылы ұлттық рухты сіңіру болып анықталды. Бұл шараға облыс мектептерінің 11-сынып оқушылары, жоғары және орта арнаулы оқу орындарының І курс студенттерін қатыстырды.
Байқауға ұсынылған барлық жұмыстардың арасынан Адам Арсенийдің, Боревич Валерияның, Баймуратова Томиристің жұмыстарын атап айтқан жөн. Аталған оқушылар өз жұмыстарында ұсынылған тақырыпты жан-жақты зерделеп, өз пайымдауларын баяндауға тырысқан.
Жұмыстарды қорытындысы бойынша Жамбыл ауданы Казанка орта мектебінің 11сынып оқушысы Адам Арсений – І дәрежелі дипломмен, Шал ақын ауданы Кривощеково орта мектебінің 11-сынып оқушысы Омельченко Уляна – ІІ дәрежелі дипломмен, Тайынша ауданы Петровка орта мектебінің 11 сынып оқушысы Боревич Виктория, Ғ.Мүсірепов ауданы Урожайное орта мектебінің 11 сынып оқушысы Трум Милана – ІІІ дәрежелі дипломмен марапатталды. Сондай-ақ, орыс мектебінде оқитын ұлты қазақ оқушыларының жұмысы төмендегідей қорытындыланды: Ғ.Мүсірепов ауданы Ковыльное орта мектебінің 11 – сынып оқушысы Муратов Қуаныш – ІІ дәрежелі диломмен, Шал ақын ауданы Е.Шайкин атындағы орта мектебінің 11 орыс сынып оқушысы Баймуратова Томирис, Жамбыл ауданы Железное орта мектебінің 11 сынып оқушысы Самомбетова Самира – ІІІ дәрежелі дипломмен марапатталды.
Жеңімпаз оқушыларға алдағы уақытта да биік жетістіктерге жетуді тілей отыра, олардың пән мұғалімдеріне қазақ тілін дамытудағы орасан еңбектері үшін алғыс білдіреміз.