Манаш Қозыбаев атындағы Солтүстік Қазақстан университеті Аризона университетімен (АҚШ) қос диплом туралы шартқа қосымша келісімге қол қойды. Осы құжат аясында Қозыбаев университетінің халықаралық бағдарламаларының мәртебесі Америка университетімен танылып, бекітіледі.
Kozybayev University делегациясы 6 қарашада Тусон қаласына келді. Сапар барысында білім беру бағдарламалары мен ғылыми-зерттеу жұмыстарын жетілдіру бағытында бірқатар кездесулер өтті.
«Бұл сапар барысында қарым-қатынастарды одан әрі дамытуды талқылау мақсатында Аризона Университетінің басшылығымен кездесулер және жаңа қос дипломды бағдарламалар ашқысы келетін мектептер мен факультеттердің басшылығымен кездесулер өткізілді», – деді Kozybayev University Басқарма Төрағасы-ректорының м.а. Рената Апергенова.
Естеріңізге сала кетейік, Аризона университетімен бірлесіп халықаралық білім беру жобасы М. Қозыбаев атындағы СҚУ 2022 жылдың 6 қыркүйегінде басталды. Биыл 500-ге жуық студент Аризона университетімен серіктестік бағдарламасы бойынша оқуға грант алды.. Қос диплом бағдарламасы бойынша гранттық қаржыландыру 3 бағыт бойынша (биология ғылымдары, ақпараттық технологиялар және инклюзивті білім беру) қарастырылған. Оқыту ағылшын тілінде өтеді. Оқуды сәтті аяқтаған студенттер екі диплом алады (қазақ және американдық).
ҒЖБ министрлігінің баспасөз-қызметі
