Биыл Манаш Қабашұлы Қозыбаев 92 жасқа толар еді. Тарих тарланы - Қазақстан тарихына 40 жылдық өмірін арнады. Артынан 800-ден астам ғылыми еңбектерін мұра етіп қалдырды. Професcор өзінің еңбектерінің басым бөлігін Қазақстан тәуелсіздігінің қалыптасуы мен тарихи оқиғаларға арнаған.
Биыл музей қызметкерлері Манаш Қозыбаев есімін ардақтауға арналған «Тарихтың тарланбозы» жас ақындар мүшайрасын ұйымдастырды. Жыр бәйгесі ғұламаның атын асқақтатып, бейнесін жырға қосқан жас жүйріктердің басын қосты. Түрлі факультттен жиналған жас қаламгерлер кеш иесіне, өз жырларын арнап, еркін тақырыпта шығармашылық мүмкіндіктерін паш етті.
Дода қорытындысы бойынша бас жүлдені ТжӘИ студенті Ерлан Жұмахан иеленді. Академиктің өнегелі өлеңдерін оқыған барлық қатысушылар бағалы сыйлықтармен марапатталды. Жас ақындардың жырлары оқылып, кеш соңында әсем ән мен күй орындалды.
