«Foundation» факультетінің 2023-2024 оқу жылында мемлекеттік білім беру тапсырысымен және ақылы оқуға қабылданған ұлты қазақ шетел азаматтары-тыңдаушылары, СҚО ПД көші-қон қызметі басқармасының мамандарымен, СҚО әкімдігінің ішкі саясат бөлімінің басшылығымен кездесті.
Шара барысында тыңдаушылар ҚР-да шетел азаматтарының жүріп-тұру заңдылықтарымен, визалық мәселелер туралы ақпаратпен танысып, сұрақтарына жауап ала алды. СҚО-ға келетін этникалық қазақ жастарына арналған мемлекеттік бағдарламалар түсіндірілді. СҚО әкімдігінің ішкі саясат бөлімінің басшысы Багдат Муканова өз сөзінде университеттің қандас жастары Солтүстік Қазақстан облысының әкімдігінің назарында екендігін жеткізіп, көшіп-қону заңнамаларына тоқталды.
