Қозыбаев университетінің студенттері қосымша 3D принтерінің озық технологияларын меңгерудің бірегей мүмкіндігіне ие болды. Университет HBD 350 заманауи өнеркәсіптік 3D принтерін сатып алды. Бүгінгі таңда Қазақстанның ЖОО-да бұл жабдықтың баламасы жоқ. Осылайша, оқу ордамыздың «Көлік және машина жасау кафедрасы» ҚР лазерлік технологиялар трансфертінің бірегей алаңына айналды.
HBD 350 өнеркәсіптік 3D принтері авиация, ғарыш, машина жасау, мұнай-газ өнеркәсібі, медицина, металлургия және басқа да салалар үшін таңдамалы лазерлік балқыту (SLM) көмегімен күрделілігі мен дәлдігі жоғары металл бұйымдарын жасауға мүмкіндік береді.
Бұл жабдықты серіктес ретінде Top 3D Shop компаниясы жеткізді. Мамандар бір апта бойы ИСТФ профессорлық-оқытушылар құрамын аддитивті қондырғылар мен бағдарламалық қамтамасыз етуді қолдануды үйретті. Нәтижесінде профессор Виталий Савинкин, доцент Сергей Колисниченко, аға-оқытушы Максим Рахматулин, доцент Сергей Латыпов және доцент Татьяна Ратушная емтихандық тестілеуден сәтті өтіп, сертификаттарға ие болды. Енді олар басқа мамандарды, соның ішінде коммерциялық сектор өкілдерін сертификаттаудан өткізе алады.
Сабақ барысында болашақ инженерлер жаңа техникамен танысты. Зертханада магистранттармен мен докторанттар да білім алатын болады. Ғылыми-зерттеу жұмыстары үшін HBD 350 3D принтерін пайдалану жоспарлануда.
