ЖОО-да білім, мәдениет және спортты дамытуға елеулі үлес қосып келе жатқан педагогикалық факультеттің 45 жылдық мерейтойы атап өтілді. Кеште факультет ардагерлері, түлектер, тығыз ынтымақтастықты қолдайтын білім беру, спорт, мәдениет ұйымдарының өкілдері, ПОҚ және білім алушылар жиналды.
Бұл күні СҚО әкімдігі білім басқармасының алғыс хаттарын аға оқытушылар Елена Гумель, Алиса Сбитнева, Мнира Куспанова, сондай-ақ, педагогика және психология кафедрасы меңгерушісінің м.а. Әсем Белгібекова алды. Университет дипломдарымен: «Педагогика және психология» кафедрасының аға оқытушылары-Татьяна Комкина мен Айгүл Айтымова; «Арнайы және әлеуметтік педагогика» кафедрасының лаборанты – Роза Рахпанова марапатталды. 20 педагог пен 5 студентке ЖОО-ның Алғыс хаттары табысталды.
«45 жыл ішінде факультет жаңа білім беру бағдарламаларымен кеңейді. Сіздер мектеп пен ғылым, бүкіл қоғам мен мемлекет үшін болашақ мамандарды дайындап жатырсыз. Ең бастысы маңызды рухани-адамгершілік құндылықтарын дамытасыз. Педагогика саласының ардагерлеріне ерекше алғыс айтқым келеді. Зор денсаулық, таусылмас күш-қуат тілеймін,бәріміз сіздерден үлгі аламыз», – деп құттықтады Басқарма Төрағасы – Ректор міндетін атқарушы-Рената Апергенова.
Сахна төрінен жылы лебіздер айтылып, дарынды студенттер мен қаламыздың шығармашылық ұжымдары жиналғандарға музыкалық нөмірлерін ұсынды. Бүгінгі таңда өнер факультетінде 28 білім беру бағдарламасы бойынша 1000-ға жуық студенттер мен магистранттар білім алуда. Аризона университетімен халықаралық және қос дипломдық бағдарламалар жүзеге асырылуда.Педагогикалық факультеттің ұжымы мен студенттеріне тек өркендеу тілейміз!
