15-22 қараша аралығында “Азық-түлік қауіпсіздігі” кафедрасы оқытушыларының делегациясы және “Қызылжар Сүт” ЖШС серіктес кәсіпорнының өкілі Солтүстік-Батыс ауыл және орман шаруашылығы университеті (Янлин қ., ҚХР) базасында мал шаруашылығындағы заманауи технологиялар бойынша Орталық Азия үшін алғашқы оқыту курстарына қатысты. Курстар аясында дәріс материалдары мен тәжірибелік көшпелі сабақтары бар өте бай бағдарлама жасалды. Оқытушылар үшін қытайлық серіктес университеттің әріптестері Қытай Халық Республикасында мал шаруашылығының әртүрлі салаларын жүргізу кезінде қолданылатын заманауи технологияларды көрсетті. Сабақтарда ауыл шаруашылығы жануарларын молықтыру және азықтандыру, күйіс қайыратын жануарлардың ауруларын диагностикалау және алдын алу, жануарларды өсіруде маркерлік селекцияны пайдалану, қазіргі заманғы тұқымдарды алу үшін генотипті өзгерту және т.б. мәселелер қамтылды. Курстардың соңында Animal Science факультеті (СБАЖОШУ) мен Агротехнологиялық факультеттің (М. Қозыбаев атындағы СҚУ) академиялық және ғылыми қызметі бойынша одан әрі ынтымақтастық мәселелері талқыланды.
