28 қарашада университетте ЖОО-дағы корпоративтік басқару және тұрақты даму бойынша оқытуды бастады. Оқыту құрылымдық бөлімшелердің басшыларына, Басқарма мүшелеріне, сондай-ақ, алғаш рет директорлар Кеңесінің мүшелеріне арналған. Курстардың бастамашысы-директорлар Кеңесі.
Негізгі мақсат– университетімізде корпоративтік басқаруды жетілдіру, директорлар Кеңесі мен Басқарма жұмысының сапасын арттыру, ішкі бақылау, тұрақты даму жүйесін енгізу. Тренинг үш кезеңде өтеді. Алдымен тыңдаушыларға коммерциялық емес акционерлік қоғамдардағы корпоративтік басқарудың ерекшеліктері, Басқарма мен директорлар Кеңесінің өкілеттіктерін бөлу және олардың өзара тиімді іс-қимылын қамтамасыз ету туралы айтылды; корпоративтік лауазымды тұлғалардың еңбегін реттеу ерекшеліктері туралы, директорлар Кеңесі мүшелерінің жауапкершілігі, корпоративтік хатшының міндеттері және т.б.
Келесі кезеңде ішкі аудитке және директорлар Кеңесінің қызметін бақылауға және Қоғамның даму стратегиясына,жоспарына және бюджетіне көп көңіл бөлінеді.Қорытынды кезең ESG факторлары мен орнықты даму қағидаттарына, тұрақты даму саласындағы халықаралық стандарттарға, сондай-ақ ESG-ді Қазақстанда енгізу тәжірибесін көрсетуге арналады.