Заман талабына сай жаңа форматтағы білім беру ортасын құру мақсатында «Foundation» факультеті 2016 жылы университеттің дайындық бөлімінің базасында құрылды. Мұнда жыл сайын ұлты қазақ шетел азаматтары, сондай-ақ 9 ай ішінде ҰБТ-ға дайындалып, келесі жылы жоғары оқу орнына грантпен түсуге мүмкіндігі бар білім алушылар оқуға түседі.
Қозыбаев университетінде студенттер қатарына қабылдауға арналған мерекелік кеш өтті. Биылғы жылы факультетке Моңғолия, Қытай, Өзбекстан, Түркіменстан және Ауғанстаннан 52 қазақ ұлтының азаматы, оның 43-і мемлекеттік білім беру тапсырысы бойынша, 9-ы ақылы негізде қабылданды.Мерекелік шараға СҚО әкімдігінің ішкі саясат басқармасының өкілдері, облыстық мәслихаттың депутаттары, қоғамдық бірлестіктердің, кітапханалардың, департаменттің өкілдері, факультет түлектері қатысты.
Жаңа оқу жылының білімгерлерін университетіміздің «Қазақстан Халқы Ассамблеясы» кафедрасы құшақ жайып, қарсы алды. «Foundation» оқытушылары құрамы шетел азаматтарын жаңа ортаға бейімдеу үшін университетішілік, қалалық, облыстық мәдени-спорттық іс-шараларға тартады. Бүгінде «Дүниежүзі қазақтары қауымдастығы» РҚБ СҚО филиалымен, «Отандастар Қоры» КеАҚ, СҚО әкімдігінің ішкі саясат басқармасы, мәдениет, көші-қон басқармасы сияқты мекемелер білім алушылармен жұмыс істейді.