Гимнастикалық шоу – 2023

Жыл сайын университетіміздің спортшылары бірігіп, көрермендерге, күш жаттығуларын, акробатикалық қойылымдарды және командалық рухты насихаттайтын спорттық мереке- Гимнастикалық шоу ұсынады. 5 құрама- күш, ептілік және жылдамдық бойынша сынға түсті. Олардың қатарында тек Қозыбаев университетінің студенттері ғана емес, СҚО олимпиада резервінің мамандандырылған мектеп-интернат-колледжінің, сондай-ақ Солтүстік Қазақстан кәсіптік- педагогикалық колледжінің білім алушылары да бар. Жарыс бірнеше кезеңде өтті.

Қатысушылардың негізгі міндеті- орындау техникасымен үйлестірілген командалық ұйымшылдықты көрсету. Барлық спортшылар тыңғылықты дайындықтың арқасында кедергілер жолағын еңсеріп, эстафетада жарысты. Шараға спорт шеберлері мен үміткерлер, спорт мектебінің жас спортшылары қатысты.

Нәтижесінде 1 орынды Солтүстік Қазақстан жоғары кәсіптік педагогикалық колледжі жеңді , 2 орынды ФКС-23-1 группа иеленсе, 3 орынға Олимпиада резервінің мамандандырылған мектеп-интернат-колледжі жайғасты. Аталмыш шара университет қабырғасында 1990 жылдан бері өткізіліп келеді. Мұндай дәстүрді, «Дене және әскери тәрбие теориясы мен әдістемесі» кафедрасының профессоры Виктор Тулаев енгізді.