Қазақстан Республикасы мен Ресей Федерациясының жоғары оқу орындарының студенттері арасында география және экология бойынша Халықаралық қашықтық олимпиадасы М. Қозыбаев атындағы СҚУ-ң "География және экология" кафедрасының серіктес ЖОО-мен бірлесіп өткізетін дәстүрлі іс-шараға айналды. Олимпиаданы өткізудің негізгі мақсаты болашақ мамандарды ғылыми қызметке одан әрі тарту және ғылыми әлеуетті кеңейту үшін олардың білім деңгейін анықтау және құзыреттіліктерін дамыту болды.
Олимпиада Google платформасында онлайн режимінде өтті. Өткізу тілі: қазақ, орыс, ағылшын. Теориялық және практикалық сипаттағы тапсырмалар ұсынылды.
Биылғы жылы Қазақстан Республикасы мен Ресей Федерациясының жоғары оқу орындарының студенттері арасында география және экология бойынша халықаралық қашықтық олимпиадаға Қазақстан Республикасы мен Ресей Федерациясының 13 жоғары оқу орнынан 1-4 курс студенттері қатысты: Н. П. Огарев атындағы Мордовия мемлекеттік университеті, Түмен мемлекеттік университеті, П.П. Ершов атындағы Ишим педагогикалық институты (ТүмМУ филиалы), Югор мемлекеттік университеті, Мәскеу қалалық педагогикалық университеті (МҚПУ), С. Аманжолов атындағы ШҚУ, Л.Н. Гумилев атындағы ЕҰУ, Шәкәрім университеті, Қазақ ұлттық қыздар педагогикалық университеті, М. Х. Дулати атындағы Тараз өңірлік университеті, А. Марғұлан атындағы Павлодар педагогикалық университеті. Абай атындағы ҚазҰПУ, М. Қозыбаев атындағы СҚУ КеАҚ. Олимпиадаға қатысқан студенттердің жалпы саны – 28. Техникалық себептерге байланысты өтінім берген 5 қатысушы қосыла алмады.
Олимпиада жеңімпаздары мен жүлдегерлерін құттықтаймыз!!! Одан әрі табыс тілейміз!!! Университеттердің оқытушыларына-жетекшілеріне олимпиадаға қатысушыларды дайындағандары үшін жеке алғыс айтамыз.