Үш күн бойы ЖОО-да ҚР Академиялық адалдық Лигасының мониторингтік тобы жұмыс істеді. Бұл Қазақстандағы жоғары және жоғары оқу орнынан кейінгі білім беру ұйымдарының бірлестігі. Негізгі мақсаты-академиялық адалдықтың негізгі принциптерін ілгерілету арқылы білім сапасын арттыру болып табылады. Лига құрылған кезде біздің университет алғашқы болып құрамына қосылды.
Қадағалау жұмыстары барысында комиссия мүшелері құрылымдық бөлімшелер басшылығымен, декандармен және кафедра меңгерушілерімен, ПОҚ, білім алушылармен, түлектермен және жұмыс берушілермен кездесті. Басқарма Төрағасы-Ректор міндетін атқарушы Рената Апергенова, білім ордамыздың тарихы, трансформацияның бағыттары, Аризона университетімен және Қытайдың Солтүстік-Батыс орман және ауыл шаруашылығы университетімен стратегиялық серіктестігі жайлы тоқталды. Академиялық адалдық қағидаттары негізінде академиялық саясатты іске асыруға басты назар аударылды: ішкі процестерді жетілдіру шеңберінде тест емтихандарының саны 2%- ға дейін қысқартылды, негізінен олар жазбаша түрде тапсырылады; теориялық сұрақтардың көлемі қысқартылды және «кейс-стади» қағидаты енгізілді; әлеуметтік GPA «Қоғамға қызмет » пәні арқылы жүзеге асырылады; дене шынықтыру курсына көзқарас спорт секцияларының форматы арқылы өзгертілді (25-тен астам); жазғы семестрде оқыту үшін жұмыс берушілер тартылды.
Студенттер мен сырттан шақырылған сарапшылар ерікті бақылаушы ретінде емтихан барысын қадағалайды. Өткен сессияда олардың саны 60-қа жуық болды. Студенттер ЖОО алқалы басқару органдарының отырыстарына қатысады. «Sanaly urpaq» жобалық кеңсесі жұмыс істейді. Сондай-ақ, ғылыми зерттеулерге арналған гранттарды игерудің ашықтығына мониторинг және растайтын құжаттармен ауқымды жұмыс жүргізілді. Қонақтар университеттің қалашығын аралады. Тексеріс нәтижесі кейін белгілі болады.
