Қозыбаев университеті мен «СК Протеин» ЖШС бірлескен «Ірі қара мал мен жылқы терісін ақуызы жоғары жемдік қоспаға қайта өңдеу технологиясын коммерцияландыру» жобасы «Ғылым қоры» АҚ гранттық қаржыландыру конкурсының жеңімпазы деп танылды. Аталған жобаның тұсаукесері университетте министрліктердің, СҚО облысы әкімдігінің өкілдері, ауыл шаруашылығы тауар өндірушілері, ғалымдар мен шетелдік қонақтардың қатысуымен өтті. Іске асыру мерзімі 2023-2025 ж. берілген. Қаражаттың жалпы сомасы 350 млн теңгені құрайды.
Жоба авторы АФ «Азық-түлік қауіпсіздігі» кафедрасының аға оқытушысы, ауыл шаруашылығы ғылымдарының кандидаты Ақан Жүнісов. Оның айтуынша, бұл ҚР ауыл шаруашылығының маңызды мәселелерінің бірін шешуге арналған: «Елімізде ақуыз тапшылығы бар. Қазақстанның ет өндірісінде ірі қара мен жылқы терісінің негізгі бөлігі жаратылмай қалады. Алғаш рет терілерді қайта өңдеудің бірегей процесі әзірленді, оны 82% ақуызы бар жемдік қоспаға айналдырады. Тәжірибе көрсеткендей, ақуыздық азықтық ұн берілген бройлер тауықтары салмақ бойынша бақылау тобындағы тауықтардан 20-22 % асып түсті», - дейді ғалым.
«СК Протеин» ЖШС ірі қара мал терісін, ветеринариялық инспекцияның анықтамасы бойынша , мал сою цехтарынан сатып алады.Осыдан кейін кептіру және тазалау процесі басталады, оны дәнді дақылдардың мөлшеріне дейін ұсақтайды, содан соң, ол қайтадан кептіруге және қалған жүнді қағып алуға жіберіледі. Кейін ол термо өңдеуден өтеді - бұл әрекет барлық зиянды бактерияларды жояды. Өндіріс кезінде қоспалар қажет емес. Алынған өнімді «Алматы технологиялық университеті» АҚ зерттеді. Азық қоспасының құрамында ГТО жоқ және экологиялық таза»,- деді Виталий Фурс «СК Протеин» ЖШС Атқарушы директорының м.а. Университетте өткен іс-шарадан кейін, қатысушылар Бескөл құс фабрикасындағы терілерді ақуызды жемдік қоспаға айналдыратын өндіріс процесімен танысты.
