Шетелде кадрлар даярлау жөніндегі республикалық комиссияның шешімімен 481- қазақстандық қатысушы, әлемнің жетекші ғылыми орталықтарында ғылыми тағылымдамадан өту үшін стипендия иегері атанды.
Стипендиаттар 9 бағыт бойынша зерттеулер жүргізеді: инженерлік ғылымдар, жаратылыстану ғылымдары, гуманитарлық сала, агроөнеркәсіптік кешен, ақпараттық-коммуникациялық технологиялар, әлеуметтік ғылымдар, білім, медицина, өнер.
Біздің университеттің екі оқытушысы іріктеуден сәтті өтіп, ғылыми қызмет жүргізу үшін шетелге барады. Олардың қатарында: Басқарма Төрағасы-Ректор кеңесшісі, «Қазақ тілі мен әдебиеті» кафедрасының профессоры, филология ғылымдарының кандидаты - Жанар Таласпаева. Сонымен қатар, қауымдастырылған профессор, журналистика кафедрасының доценті, филология ғылымдарының кандидаты (PhD) Мырзантай Жақып.
Ғалымдар мемлекет үшін басым салалар бойынша іргелі және қолданбалы зерттеулер жүргізуге белсенді қатысады, білікті кадрлар даярлауды жүргізеді. Әріптестерімізді құттықтаймыз және табыс тілейміз!