25 желтоқсан - ҚР Психологтар күні атап өтіледі. Кәсіби мерекеде Қозыбаев университетінің психолог қызметкерлері денсаулық сақтау, мәдениет, білім беру, психологиялық орталықтар, Мәслихат, БАҚ және ЖОО қабырғасында бірлескен іс-шараларды өткізуге белсенді қатысатын басқа да ұйымдардың серіктестерін марапаттады. Биыл лудоманияның, есірткіні қолданудың, тұрмыстық зорлық-зомбылықтың, құмар ойындардың алдын алуға қатысты тақырыптар қозғалды. Сондай-ақ, шарада Педагогика факультетінің әріптестері мен ерікті студенттерін атап өтті.
Біздің психологиялық қызмет білім алушылармен белсенді жұмыс жүргізеді: консультациялар, тренингтер, психокоррекция, психо-диагностикалық сипаттағы сауалнамалар өткізеді. Студенттер арасында тұлғааралық қақтығыстарды шешуге, ұжымға бейімделуге, қорқынышпен және басқа да көптеген психологиялық мәселелермен күресуге көмектеседі. Психология тақырыбына қызығушылық танытқан студенттерді біріктіретін психологиялық клуб жұмыс істейді. Әр бейсенбі күні олар өздерін және қоршаған ортаны түсінуді үйрену, қолдау және қарым-қатынас дағдыларын арттыру үшін жиналады.Кеңес алу үшін 49-30-35 нөміріне немесе № 1 жатақханадағы 103 каб. хабарласуға болады.
