Салтанатты жиынға оқытушылар, қызметкерлер мен студенттер жиналды. Басқарма Төрағасы- Ректордың м.а. Рената Апергенова университеттің маңызды жетістіктерін атап өтті: ҚР Президентінің жаңа оқу-зертханалық кешенге сапары, Қытайдың солтүстік-батыс орман және ауыл шаруашылығы университетімен агрокомпетенциялар ғылыми Орталығының ашылуы, Аризона университетімен халықаралық бағдарламалар бойынша келісімге қол қою және инклюзия бойынша жаңа бірлескен бағдарлама ашу, МВА бағдарламасын AlmaU-мен іске асыру және т.б.
Тіл саласын дамытудағы белсенді еңбегі үшін қазақ тілі мен әдебиеті кафедрасының профессоры Жанбай Қадыров төс белгімен марапатталды. Сонымен қатар, "Ғылымды дамытуға сіңірген еңбегі үшін" Елена Сабиеваға ,ТжӘИ директорына және Бейбіт Үсеновқа ,физика кафедрасының профессорына төсбелгі табысталды.
ҚР Ғылым және жоғары білім министрінің құрмет грамоталары, алғыс хаттарымен ЖОО-ның 17 қызметкері мен ПОҚ марапатталды. Білім беру саласындағы жетістіктері мен белсенді еңбек қызметі үшін Басқарма Төрағасы-Ректордың құрмет грамоталары мен алғыс хаттары табыс етілді.
Биылғы жылы өңірді дамытуға бағытталған 28 зерттеу жобасы қаржыландырылды. Әлемдік ғылыми журналдарда мақалалар жарияланды. Ғалымдардың бұл қызметі қорытынды іс-шарада ерекше атап өтілді.
Осындай маңызды оқиғалардың бірі: Қозыбаев университеті республикалық универсиадаға қатысты. Онда біздің құрама Үздік 5-тікке кірді. Жақсы нәтиже көрсеткен спортшылар лайықты марапаттарға ие болды.
Кабинеттерді жаңа жылдық безендіру байқауы, факультеттер мен әкімшілік-басқару ұжымдары арасындағы жеңімпаздарды ынталандырды. Amanat партиясынан 14 әріптес марапатталды. Мерекелік кеш ән-шашумен аяқталды.
