2024 жылғы бірінші жартыжылдық қорытындысы бойынш ҚР Президентінің стипендиясын тағайындау конкурсы жарияланады (2023-2024 оқу жылының қысқы емтихан сессиясының қорытындысы бойынша)

Қазақстан Республикасы Президентiнiң стипендиясын тағайындауға арналған конкурс 2022-2023 оқу жылының қысқы емтихан сессиясының қорытындысы бойынша Қазақстан Республикасы Президентiнiң стипендиясын тағайындау қағидаларына сәйкес өткiзiледi. Қазақстан Республикасы Білім және ғылым министрінің 2011 жылғы 7 сәуірдегі № 136 бұйрығымен бекітілген.

Президенттік стипендия тағайындау үшін кандидатураларды деканаттардың ұсынуы немесе өзін-өзі ұсынуы бойынша факультеттердің кеңестері ұсынады.

Үміткерлерге қойылатын талаптар:

1. Стипендия мемлекеттік білім беру тапсырысы негізінде де, ақылы негізде де тек "өте жақсы" (А, А-) оқитын күндізгі оқу бөлімінің 3-курс студенттеріне және екінші оқу жылынан бастап магистранттарға тағайындалады

2. Стипендияны тағайындау кезінде үміткердің құжатпен расталған мына жетістіктері ескеріледі:

1) республикалық және халықаралық олимпиадалардағы, шығармашылық конкурстардағы, спорттық жарыстардағы, фестивальдардағы жеңістер немесе авторлық жаңалықтар, өнертабыстардың болуы;

2) ғылыми еңбектер жинақтарында, Республикалық және халықаралық ғылыми журналдарда жариялау;

3) жетістіктері дипломдармен, грамоталармен, сертификаттармен, куәліктермен расталған ғылыми-зерттеу жұмысының нәтижелері;

4) университеттің қоғамдық, мәдени және спорттық өміріне белсенді қатысу. 

Үміткерлерді іріктеу тәртібі:

1. Өтініш беруші тізбеге сәйкес құжаттар топтамасын деканның тәрбие ісі жөніндегі орынбасарына тапсырады. Тәрбие ісі жөніндегі орынбасары талапкерлердің құжаттарының талаптарға сәйкестігін тексереді және комиссияның қарауына Bursar's Office кеңсесіне береді;

2. Комиссия университеттің Ғылыми кеңесінің отырысында одан әрі қарау үшін ұсынылған құжаттарды талдайды.

3. Іріктеу Өтініш берушілерге қойылатын талаптарда көрсетілген 1 және 2-тармақтарға сәйкес жүзеге асырылады. Тең жағдайларда артықшылық:

• жетім балалар мен ата-анасының қамқорлығынсыз қалған балалар;

• бала кезінен мүгедек, мүмкіндігі шектеулі балалар.

3. Ғылыми кеңес Президент стипендиясын тағайындау туралы шешімді әрбір талапкерге жеке қабылдайды.

4. Стипендияны тағайындау М. Қозыбаев атындағы СҚУ Басқарма Төрағасы – Ректордың бұйрығымен Ғылыми кеңестің шешімі негізінде жүзеге асырылады.

Құжаттар 2024 жылдың 15 қаңтарына сағат 18.00-ге дейін қабылданады.

Конкурсқа қатысу үшін құжаттар тізімі:

1. Білім алушының Қазақстан Республикасы Президентінің стипендиясын тағайындау конкурсына қатысу үшін Қозыбаев атындағы СҚУ Басқарма Төрағасы – Ректорының атына жазылған өтініші (ПС өтініш үлгісі (рус), ПС өтініш үлгісі (каз);

2. Студенттің жеке басын куәландыратын құжаттың көшірмесі;

3. Бүкіл оқу мерзіміне университеттің барлық қолдары мен мөрі қойылған транскрипт;

4. Өтініш берушінің жетістіктерін растайтын құжаттардың көшірмелері (дипломдар, сертификаттар, алғыс хаттар және т.б.).