2024 жылдың 12 қаңтарында Тарих, экономика және құқық факультетінде «Ғылыми жобалар байқауына қатысу – профессорлық-оқытушылық құрамның ғылыми қызметін ынталандыру әдісі» тақырыбында ғылыми семинар өтті. Бұл іс-шараның мақсаты – ғылыми жобаларды гранттық қаржыландыруға қатысу үшін қажетті құжаттамамен танысу және гранттық қаржыландыру конкурсына қатысушылардың тәжірибесімен алмасу. Семинарға ғылыми зерттеулерді ұйымдастыру бөлімінің басшысы Д.В.Алешин шақырылды. Ол ғылыми және ғылыми-техникалық жобаларды гранттық қаржыландыру үшін құжаттаманы дайындауға қатысты мәселелерді түсіндірді. «Қазақстан тарихы және әлеуметтік-гуманитарлық пәндер» кафедрасының аға оқытушысы Темирханова А.С. «ХХ ғасыр басындағы Солтүстік Қазақстан: Алаш зиялыларының қоғамдық-саяси қызметі және рухани мұрасы» атты ғылыми жобаға қатысу тәжірибесімен бөлісті. «Қаржы және менеджмент» кафедрасының аға оқытушысы Баймағамбетов А.А. ғылыми жобаларды гранттық қаржыландыруға арналған «Жас Ғалым» байқауына өтінім беру тәжірибесі туралы айтты. Семинар тақырыбын талқылауға кафедра оқытушылары, жоба қатысушылары, сондай-ақ гранттық қаржыландыруға үміткерлер мен докторанттар белсенді қатысты.
