Агротехнологиялық факультетінде BAYDALA компаниясының «Агрономия» Бб бағдарламасының студенттері үшін кәсіби сертификаттау өтті. «Агрономия және орман шаруашылығы» кафедрасының оқытушылары «Өсімдіктерді қоректендіру және өнімді бағдарламалау» тақырыбында дәрістер өткізді. Оқыту мемлекеттік және орыс тілдерінде жүргізілді.
Курсты аяқтаған 31 білім алушы сертификатқа ие болды. Сондай-ақ, үздік біліктілігі мен білімін көрсеткен студенттерге компания атынан сыйлықтар табыс етілді. Курсты ұйымдастыруға және өткізуге атсалысқан оқытушылар алғыс хаттармен марапатталды. BAYDALA компаниясының басшылығына кәсіби агрокадрларды даярлап, жемісті ынтымақтастығы үшін алғыс айтамыз!
