Профессор-оқытушылар құрамы мен қызметкерлер арасында "Сергектік пен денсаулық" спартакиадасы аяқталды. Жабылу салтанатына Қозыбаев университетінің Басқарма Төрағасы – Ректор м.а. Рената Апергенова, спорт ардагерлері Виктор Тулаев пен Валерий Глазырин, ЖОО түлегі, WBA және IBO нұсқасы бойынша әлем чемпионы Жанат Жақиянов, спорт клубының мүшелері, сондай-ақ 8 қатысушы құрама қатысты.
Оқу ордамыздың бірқатар оқытушылары мен қызметкерлері алғыс хаттармен марапатталды. Арқан тартудан – ПФ және шағын футболдан – ӘБП жеңімпаз атанды.
Номинациялар бойынша да спортшылар ерекше атап өтілді:
«Жоғары буын қатысушысы» – шахматтан Спартакиаданың күміс жүлдегері, еңбек сіңірген профессор Виктор Тулаев
«Ең жас қатысушы-бастаушы» – үстел теннисінен Спартакиада чемпионы Адиль Альназиров
«Шағын футболдан үздік ойыншы-шабуылшы» – Асқар Қабікенов
«Үздік жанкүйерлер» – университеттің персоналды басқару қызметі.
Қорытынды есепте спорттың 8 түрінің нәтижелері бойынша:
I орын – Педагогикалық факультет (142 ұпай)
II орын – Агротехнологиялық факультет (127 ұпай)
III орын – Әкімшілік-басқару персоналының құрамасы (124 ұпай)
Жүлдегерлер мен жеңімпаздар естелік кубоктар, грамоталар, медальдар алды!
