ЖОО-да Зинаида Петровна Табакованы еске алу кеші өтті. Ол белгілі ғалым, педагог, профессор, филология ғылымдарының докторы, ҚР Ұлттық Ғылым академиясының корреспондент-мүшесі, Солтүстік Қазақстан облысының Құрметті азаматы болды. Тәлімгер ретінде ол, көптеген шәкірттері мен әріптестерінің тағдырында өшпес із қалдырды.
Осы кеште еңбек ардагерлері, оқытушылар, журналистер, жазушылар, Зинаида Петровнамен бірге қызмет атқарған мемлекеттік мекемелердің өкілдері естеліктерімен бөлісті. Басқарма Төрағасы – Ректор м.а. Рената Апергенова Зинаида Табакованың қарбалас өмірінің негізгі кезеңдері мен шығармашылық жолы туралы айтып берді.
Зинаида Петровна Табакова 2024 жылы 18 қаңтарда 86 жасында өмірден озды. Білім ордамыз үшін орны толмас қаза. Ол ұзақ жылдар бойы М.Қозыбаев атындағы Солтүстік Қазақстан университетінде жұмыс істеді, орыс тілі мен әдебиеті кафедрасын басқарды. Университет үшін жаңа "Журналистика" мамандығын ашуға мұрындық болды. Өмірінің соңғы күндеріне дейін студенттерге білім берді.
Ол Қазақстан ғылымының дамуына зор үлес қосты. Оның этнопоэтика, лингвокультурология және басқа тақырыптардағы әрбір жұмысы ғылыми қоғамдастықтың үлкен қызығушылығын тудырды. Ғалымның 300-ден астам ғылыми еңбектері бар.
Еске алу кешіндегі Зинаида Петровнаның фото суреттері, спикерлердің жеке әңгімелері, жылы лебіздері тек естелік ретінде сақталады.Кездесу соңында Зинаида Табакованың ұлы Виктор Геннадьевич, анасына деген құрмет үшін алғыс айтты. Университет қабырғасында профессордың салған дәстүрлері жалғасады.
Оқу ордамыздың Ғылыми кеңесінің шешімімен үшінші оқу ғимаратындағы 258 аудиторияға Зинаида Табакованың есімі берілді.
Зинаида Петровна – Нағыз Педагог, Ғалым, Тұлға!
