Университетте «QAZAQ PROFI Оқу орталығы» ЖШС-нен жоғары оқу орындарында корпоративтік басқару және тұрақты даму бойынша оқудан өткен Қозыбаев университетінің Басқарма және Директорлар кеңесі мүшелеріне, сондай-ақ құрылымдық бөлімшелердің басшыларына сертификаттар табыс етілді.
Оның мақсаты-ЖОО-да корпоративтік басқаруды жетілдіру, Директорлар кеңесі, Басқарма жұмысының сапасын арттыру, ішкі бақылау және тәуекелдерді басқару жүйесін құру, тұрақты даму жүйесін енгізу. Тыңдаушыларға КЕАҚ-тағы корпоративтік басқарудың ерекшеліктері, Басқарма және Директорлар кеңесінің өкілеттіктерін бөлу және олардың өзара тиімді іс-қимылын қамтамасыз ету үшін, корпоративтік лауазымды тұлғалардың еңбегін реттеу ерекшеліктері туралы айтылды.
Ішкі аудит пен Директорлар кеңесінің қызметін бақылауға және Компанияның даму стратегиясына, жоспарына, бюджетіне, ESG факторларына, тұрақты даму саласындағы халықаралық стандарттарға көп көңіл бөлінеді. Барлығы басқару тобының 23 өкілі оқудан өтті.
