Түркістан облысының «Жастар ресурстық орталығы» өкілдері Қозыбаев университетінде өзара серіктестік туралы Меморандумға қол қойды. Қазіргі таңда бізде Түркістан облысының 411 тумасы оқып жатыр. Оның ішінде 91-і «Серпін-2050» бағдарламасы бойынша, 55-і ҚР Үкіметі айқындаған өңірлерге қоныс аударатын ауыл жастары қатарындағы азаматтар үшін квота бойынша. 45 адам Аризона университетімен қос диплом бағдарламалары бойынша жоғары білім алады.
Түркістан облысының ЖРО басшысының орынбасары Пердебек Есқұлов атап өткендей, сапардың негізгі мақсаты – университетте оқу-тәрбие үдерісімен және тұратын орындарының әлеуметтік-тұрмыстық жағдайымен танысу, олардың қажеттіліктері, жұмысқа орналасу жағдайлары, гранттарды пысықтау және т.б. туралы толығырақ білу. Қонақтар, білім алушыларды қызықтырған мәселелерді, оның ішінде: жас мамандарды даярлау бағыттарын, оқу жағдайларын және бағдарламаларын талқылады. Бұл күні олар, оқу-зертханалық ғимаратты, жатақханаларды бассейнді, мұражайды аралады.
