ЖОО-да тәжірибелер қорытындыланды

Университетте 2022-2023ж.ж педагогикалық практика қорытындысы бойынша Білім басқармасының, Дене шынықтыру және спорт басқармасының, білім беру мекемелерінің өкілдерімен дөңгелек үстел өтті. Әріптестер тәжірибе алмасып, осы процесті жақсарту бойынша өз ұсыныстарын айтты.  Өткен оқу жылынан бастап студенттердің педагогикалық практикасы жаңа форматта ұйымдастырылды. Алғаш рет практиканттарды бағалауды ЖОО емес, мектептер жүргізді. Тәжірибе жетекшілерінің еңбегін университет бағалады. Бұл мақсатқа барлығы 24,5 млн теңге бөлінді.

Сонымен қатар, өткен оқу жылында мектепке дейінгі және спорт ұйымдарын қоса алғанда, 67 білім беру ұйымдарымен шарттар жасалды. Онда 1839 студент тәжірибеден өтті. Сауалнамаға қатысқан білім алушылардың 95% - ы инновацияны оң бағалап, тәжірибе жетекшілеріне алғыстарын білдірді.

Басқарма Төрағасы– Ректор м.а. Рената Апергенова тәжірибені  ұйымдастыру бойынша үлкен жұмыс атқарған әріптестеріне ризашылығын айтып, алғыс хаттар табыс етті.