ЖОО-ға 2024 жылдың басында құрамына кірген Директорлар кеңесінің төрағасы Ғалым Байтұқ келді. Ғалым Симбекұлы - К.Д.Ушинский атындағы Петропавл Педагогикалық институтының түлегі, Солтүстік Қазақстан университетінің оқытушысы, сондай-ақ СҚУ Түлектері Қауымдастығының атқарушы директоры болып жұмыс істеді.
Ғалым Байтұқ Директорлар кеңесінің отырысына қатысып, басқарушы құрамымен кездесті. Әріптестермен, түлектер Қауымдастығының қызметін жандандыру, ҚР басқа өңірлерінен талапкерлерді тарту мәселелері, оқу процесі мен ғылыми жобалардың өңірлік қажеттіліктермен байланысын нығайту маңыздылығы, академиялық ортада сыбайлас жемқорлыққа қарсы қағидаттарын қолдау және т.б. мәселелер талқыланды.
