«Қазақ тілі сабақтарында білім алушының кәсіби, қатынас, әлеуметтік, адамгершілік құзіреттіліктерін арттыру»

М.Қозыбаев атындағы Солтүстік Қазақстан университеті Тіл және әдебиет институты «Практикалық қазақ тілі» кафедрасының ұйымдастыруымен 2024 жылдың

19 ақпанында «Қазақ тілі сабақтарында білім алушының кәсіби, қатынас, әлеуметтік, адамгершілік құзіреттіліктерін арттыру» тақырыбында аймақтық ғылыми-әдістемелік семинарын ұйымдастырылды. Семинарға М.Қозыбаев атындағы СҚУ тілдік кафедраларының профессор-оқытушылар құрамы, Солтүстік Қазақстан облысы «Тілдерді оқыту орталығы» КММ басшысының орынбасары Жанатов О., мекеме мамандары, «Өрлеу» Біліктілікті арттыру ұлттық орталығы» АҚ филиалы  СҚО бойынша кәсіби даму институты» Педагогика және пәндік әдістер кафедрасының аға оқытушысы Мусетаева Г.Н., Солтүстік Қазақстан облысының мектеп және колледждерінің қазақ тілі мұғалімдері, барлығы 32 маман қатысты.

Бұл семинар Қазақстан Республикасында мемлекеттік тілді меңгертудің әдіс-тәсілдерін, сондай-ақ қазақ тілін оқыту барысында тіл үйренушілердің кәсіби, қатынас, әлеуметтік, адамгершілік құзіреттіліктерін арттыру арқылы тіл дамыту жұмыстарын жетілдіру мақсатында болып өтті. Семинардың күн тәртібінде қарастырылып отырған тақырып бойынша өзекті болып табылатын төмендегідей мәселелер талқыланады:

1. «Қазақ тілін оқытуда әлеуметтік, адамгершілік құзіреттілікті ұлттық құндылықтар арқылы қалыптастыру»
2. «Тілді оқытудың төрт сатысы»
3. «Оқушы дағдысын дамытудағы сұхбаттың ролі»
4. «Қазақ тілін оқытуда онлайн платформаларды қолданудың тиімділігі»

          Семинарда қарастырылған жоғарыдағы мәселелер бойынша қатысушылар өз тәжірибелерімен бөлісті, проблемалық сұрақтардың шешу жолданын жан-жақты талқылады.

Жиын соңында «Практикалық қазақ тілі» кафедрасының меңгерушісі, п.ғ.к., доцент Ахметова Т.Ә. семинар жұмысын қорытындылап, оның жұмысына белсене қатысқан әлеуметтік әріптестерге және қатысушыларға алғысын білдірді.