Қозыбаев университетінің дизайнері Евгения Боргуль, сондай-ақ ИСТФ "Құрылыс және дизайн" кафедрасының аға оқытушылары Юлия Попова мен Ирина Шашкина бейнелеу өнері туындысына авторлық құқық куәлігін алды.
Суретшілер Қазақ халық ертегілеріне иллюстрациялар дайындады. Олар өз жұмыстарында, танымал ертегі кейіпкерлерінің дизайнын қолданды. Оқытушылардың айтуынша, қайта дизайнды қолдана отырып, түпнұсқаны жаңа «қаптамаға» ауыстыруға болады.
«Қазақ халық ертегілері — ауыз әдебиетінің ертеден келе жатқан саласының бірі. Халық ертегілері өскелең ұрпақты адалдыққа, еңбек сүйгіштікке үйретеді. Заманауи түрде жасалған жаңа дизайн мен суреттер жастардың әдебиетке деген қызығушылығын оятады. Кітаптар үшін анимациясы бар цифрлық формат қарастырылған, бұл планшет пен ұялы телефон арқылы көруге мүмкіндік береді», - деп бөлісті аға оқытушы Юлия Попова.
Авторлар ұжымы, жаңа дизайн кітаптарға бірегейлік беріп, оқырмандар, қазақ халық ертегілерін жаңаша қабылдайды деген үмітте. Айтып өткен жөн, мұндай патентті университет қызметкерлері алғаш рет алды.
