ЖОО-да облысымыз бен қала мектептерінен 300-ден астам білімгер пәндік тіл олимпиадасына жиналды. Бұл жарыс тілдерді үйренуге, шығармашылық және ғылыми-зерттеулерге қызығушылық танытқан оқушыларды анықтауға бағытталған. Оған облыстың түкпір-түкпірінен жалпы білім беретін мектептердің, гимназиялардың, лицейлердің 10-11сынып оқушылары қатысуда.Университетте Тіл және әдебиет институты, осымен, 20 жылдан астам уақыт бойы өткізіп келеді.
Мектеп оқушылары әдебиет, қазақ, ағылшын, орыс, неміс, француз тілдері бойынша сайысқа түсті. Олимпиада екі кезеңде ұйымдастырылды. Ең алдымен оқу, тыңдау, ауызша немесе эссе жазу, екінші кезең - сөздік және грамматикалық тестті шешу. Әдебиеттік тапсырмаларды орындағандар ұсынылған мәтінді талдап, оның негізінде диалог жүргізу қабілеттерін көрсетті.
Шара аясында университеттің филологиялық білім беру бағдарламаларының тұсаукесері және қатысушыларға арналған «Лингва шоу» шығармашылық байқауы өтеді.
«Кезекті олимпиада оқушылардың тілге деген икемділігін, кәсіби бағдарын анықтайды. Жыл сайынғы қатысатын мектеп оқушыларының 35%-ға жуығы мектепті бітіргеннен кейін Тіл және әдебиет институтына оқуға түседі. Өткен жылы бізде филология бойынша мамандық ашылды, оның түлектері қазақ, орыс, түрік тілдерін меңгерген мамандар. Біздің мамандық пен оқу орнын таңдау үшін үгіт –насихат жұмыстарын жүргіземіз», - деді Тіл және әдебиет институты директорының орынбасары Ботагоз Тагудретова .
Сонымен қатар, облыс мұғалімдері өзара тәжірибе алмасып, өзекті педагогикалық мәселелерді талқылайды. «Бәсекеге қабілетті түлек даярлаудың шарты ретінде кәсіби құзыреттілікті қалыптастыру» және «Түлектерді сапалы даярлаудың шарты ретінде ЖОО-ның жұмыс берушілермен өзара іс-қимылы» дөңгелек үстелде осы тақырыптар көтерілді.
