Университетте СҚО үздік арнайы оқытушылар анықталды.Алғаш рет «Арнайы педагогтың кәсіби жетістіктерінің озық тәжірибесі» кәсіби шеберлік конкурсы өтті. Шараны ПФ арнайы және әлеуметтік педагогика кафедрасы ұйымдастырды. Тайынша, Ақжар аудандары мен қаламыздың логопедтер, дефектологтар, сурдо-тифло- олигофренопедагогтары, мамандығы бойынша кемінде үш жыл жұмыс өтілі бар мамандар қатысты. Барлығы 26 адам.
Алдымен, сырттай кезеңде байқауға қатысушылар ерекше білім беруді қажет ететін балалармен жұмыс істеудің тиімді әдістері мен технологиялары туралы презентациялар әзірледі. Одан әрі университет қабырғасында бейнеролик түрінде инклюзивті білім беру шеңберіндегі құзыреттіліктерін көрсетті. Жеңімпаздарды университеттің ПОҚ және СҚО педагог-практиктерінен құралған қазылар алқасы екі кезеңдегі ұпайлардың қосындысы бойынша анықтады.
Нәтижесінде 1 орынды Алмагүл Көшембаева иеленді. Екінші орынды Юлия Хабибулина мен Вадим Гребенкин алды. Жеңімпаздар үштігіне Марина Шерстобитова, Дина Маженова мен Светлана Цветун енді. Байқау арнайы педагогтардың тұлғалық және кәсіби өсуін қолдау, олардың инновациялық әзірлемелерін, шығармашылық бастамасын дамыту мақсатында ұйымдастырылды.
