Сұлулық пен жылулықтың мерекесі қарсаңында Қозыбаев университетінде қызмет ететін әйелдер қауымы ерекше құрметке бөленді. Бүгін ЖОО ер-азаматтары аруларды мерекемен құттықтап, құшақ толы гүлдер сыйлады. Марапаттау рәсімінде Басқарма Төрағасы – Ректор м.а. Рената Апергенова әйелдер ұжымын құттықтап, ақжарма тілегін жеткізді! Бұл күні СҚО әкімінің Құрмет грамоталарымен Жанар Таласпаева мен Елена Иль марапатталды. СҚО әкімінің алғыс хаттары Юлия Бызова мен Әсем Темірхановаға табысталды.
Сондай-ақ, Халықаралық әйелдер күніне орай, ПОҚ 30 өкілі мен ЖОО қызметкерлеріне Қозыбаев университетінің Басқарма Төрағасы – Ректорының грамоталары мен алғыс хаттары берілді. Олардың қатарында университет дамуына үлкен үлес қосып жүрген, жатақхана меңгерушілері, кітапханашылар, медбикелер, декандар басқа да қызметкерлер мен бөлім басшылары бар.
Анна Корнилова, Алма Мурзалинова, Наталья Шевелева, Динара Дарбаева, Ирина Шмигирилова «Өрлеу» Ұлттық біліктілікті арттыру орталығының Басқарма Төрағасының алғыс хаттарымен марапатталды. Ұжымның барлық әйелдер қауымын, сондай-ақ студенттерді 8 наурызбен құттықтаймыз! Әр күн жаңа мүмкіндіктер әкелсін, ал өмірлеріңіз жарқын сәттерге толы болсын!
