Көпсайысшыларымыз жетістіктерімен қуантуда! Бұл жолы олар полиатлоннан жабық кешендегі Қазақстан чемпионатында жоғары нәтиже көрсетті. Республикалық турнир 5-10 наурыз аралығында Өскемен қаласында өтті.Оған университетіміздің бес студенті қатысып, Солтүстік Қазақстан облысының намысын қорғады. Үздік спорттық шеберліктерін көрсете отырып, біздің студенттеріміз 3 алтын, бір күміс және бір қола медаль жеңді!
Ең жақсы нәтижені Никита Изотов көрсетті: абсолютті біріншілікте және 21-23 жас санаты бойынша бірден екі алтынды жеңіп алды. Осылайша, Никита Қазақстанның ең мықты полиатлоншысы атанды! Сонымен қатар, спортшы жабық кешендегі 2000 метр қашықтықты 5 минут 43 секундта жүгіріп өтіп, Қазақстан рекордын орнатты!
Арсен Хамзин де алтын медаль жеңіп алды. Ол 18-20 жас санатында бақ сынасты! 21-23 жас санатындағы Чемпионаттың «Күміс» жүлдесін 3-курс студенті Юлия Безушко жеңді. Бойжеткен спорт шеберіне үміткердің нормативін орындады және 1000 метрге жүгіруде өзінің жеке рекордын орнатты. Ал Юлия Крец жеке рекорд орнатып, «Қола» жүлдеге қол жеткізді. Аркадий Есман 5 орынға ие болды.
Спортшылар Александр Владимирович Наумовтың жетекшілігімен жаттығады, ол ардагерлер арасында керемет өнер көрсетуді жалғастыруда. Спортшы жетістігін тағы бір жеңісімен дәлелдеді. Ол Қазақстан чемпионатын 51-ші рет жеңіп алды! Құттықтаймыз!
