ЖОО-да LOGO e.V. одағынан шетелдік тәжірибеге қатысуға іріктеуден өткен АФ студенттеріне арналған неміс тілі курсы аяқталды. Сабақтарды WFI басқару мектебі бағдарламасының магистрі, оқытушы Андреас Рухсерт жүргізді.Бір айдың ішінде білім алушылар, Германияның биоөнеркәсіптерінде табысты жұмыс істеу үшін тілдік деңгейлерін жетілдірді.
Айтып өткен жөн, LOGO қоғамдық одағы неміс экологиялық агроқұрылымдарында әлемнің түкпір-түкпірінен келген ауыл шаруашылығы мамандықтарының студенттері үшін жарты жылдық тәжірибесін жүзеге асырады. Университетіміздің АФ студенттері осы мүмкіндікті 9 жыл бойы сәтті пайдаланып келеді. Практиканттар кәсіпорындарда жұмыс істеп, жалақы алады, көп саяхаттайды, жаңа достармен танысады. Бұл ретте олар үшін, тамақтану және тұру тегін, сондай-ақ, визалық қолдау көрсетіледі.
Серіктестік аясында біздің 70-тен астам студентіміз осындай тәжірибеден өтті. Енді интенсивті тіл курсын тегін өтіп, неміс тілін меңгеруге мүмкіндік артты. Биыл сәуір айының соңында 8 білім алушы Германияға ақы төленетін тағылымдамадан өтеді.
