Университетте Наурызнама онкүндігі аясында студенттер арасында ұлттық спорт түрлерінен жарыстар өтті. ЖОО студенттері, магистранттары, Foundation факультетінің тыңдаушылары ептілік пен зияткерлік қабілеттерін шыңдап, асық ату, тоғызқұмалақ, бес асық ойындарынан жарысты. Осы спорт түрлерінен факультеттер мен жатақханалар арасында жыл сайын турнирлер өткізіліп тұрады.
Бұл жолы барлығы 50-ге жуық адам қатысты. Сайыс «Аманат» партиясы «Болашақ» филиалының қолдауымен ұйымдастырылды.Жеңімпаздар мен жүлдегерлер естелік сыйлықтар мен ақшалай сыйлықтарға ие болды.
Жеке біріншілікте тоғызқұмалақтан Ардақ Нұрқазықызы(ТжӘИ), Ардах Ахжол (ПФ)жеңімпаз атанды. Асық атудан бірінші орынды Заманбек Егізбай(ПФ) иеленді. Бес тас асық ойынында ең епті спортшы Данагүл Қасенова (МЖҒФ)атанды. Құттықтаймыз!
