Қозыбаев университетінің жаңа оқу-зертханалық кешенінде Байкен Әшімов атындағы Петропавл машина жасау және көлік колледжінің түлектерімен кездесу өтті.
Университеттің Көлік және машина жасау кафедрасы жаңа білім беру бағдарламаларын таныстыра отырып:
«Вагондарды жөндеу және қызмет көрсету, техникалық пайдалану»;
«Робототехника және машина жасаудағы инновациялық технологиялар»;
«Көлік, көліктік техника және технологиялары»;
«Инжиниринг және инновациялық-өлшеу технологиялары» ауқымды кәсіптік бағдар беру жұмысын жүргізді.
Іс-шарада колледж түлектеріне сыйлықтар мен кәдесыйлар табысталды. Кейін заманауи оқу және зерттеу зертханаларында экскурсия өтті. Білім алушылар жөндеу-қалпына келтіру өнеркәсібінің көптеген салаларында қолданылатын лазерлік технологияларды қолдана отырып, робот манипулятормен және өнеркәсіптік роботтандырылған дәнекерлеу кешенімен танысты. Қатысушыларға HBD 350 өнеркәсіптік 3D принтері көрсетілді. Бүгінде Қазақстанның жоғары оқу орындарында бұл жабдықтың баламасы жоқ. Ол авиация, ғарыш өнеркәсібі, мұнай-газ саласы, медицина үшін таңдамалы лазерлік балқыту әдісімен күрделілігі жоғары металл бұйымдарын жасауға мүмкіндік береді.
Сондай-ақ, «Аддитивті техникалық қызмет көрсету инженері»;
«Виртуалды 3D-прототиптеу жөніндегі Инженер»;
«Өнеркәсіптік робототехниканы жобалаушы»;
«Кері жобалаудың инженер-конструкторы (кері инженер)»;
«3D-басып шығару Материалтанушысы» сияқты болашақ мамандықтар туралы нақты түсінік берілді.
«Көлік және машина жасау» кафедрасының жаңа білім беру бағдарламаларын игеру түлектерге еңбек нарығында бәсекеге қабілетті болуға мүмкіндік береді. Ал қуатты материалдық база және жұмыс берушілермен тығыз байланыс жас мамандардың тәжірибеге даярлығын және жұмысқа орналасуының жоғары пайызына кепілдік береді.
