Наурыз – достық мерекесі

«Наурыз – достық мерекесі» осындай ұранмен Агротехнологиялық факультеттің «Азық-түлік қауіпсіздігі» кафедрасы мен Қазақстан Республикасы Ұлттық Ұлан Академиясы «Тыл» кафедрасының бірлескен іс-шарасы өтті.

Студенттер мен курсанттар Қазақстанның түрлі халықтарының дәстүрлерін таныстыру форматында «Наурыз» көктем мерекесін қарсы алуын ұйымдастырды. Бұл іс-шараның мақсаты-студенттер мен курсанттарды ұлттық салт-дәстүрлермен таныстыру.

Іс-шара үш кезеңнен тұратын байқау түрінде өтті. Байқауға «Азық-түлік қауіпсіздігі» кафедрасының 1-3 курс студенттері және Қазақстан Республикасы Ұлттық Ұлан Академиясының 3-4 курс курсанттары қатысты.

1 кезең-тандалған ұлттың мәдениеті, дәстүрлері мен киімдері көрсетілген қатысушылардың визит карточкасы.

2 кезең-қазылар алқасына ұлттық тағамдарды ұсыну және оның дәмін тату.

3 кезең-музыкалық үй тапсырмасы: ұлттық биді, әнді немесе рәсімді көрсету.

Байқау қорытындысы бойынша:

Бас жүлдені «Қытай» командасы (ТПП-21 тобының студенттері);

1– «Өзбекстан» командасы (ТПП-23-к тобының студенттері);

2 – «Қазақстан» командасы (ҚР Ұлттық Ұлан Академиясының 4-курс курсанттары);

3 – «Армения» командасы (ТПП-21-к тобының студенттері) жеңіп алды.

Сондай-ақ, «Үздік музыкалық номер» номинациясы бойынша «Ресей» командасы (ҚР Ұлттық Ұлан Академиясының 3-курс курсанттары) марапатталды.