Солтүстік Қазақстан облысында су тасқынына қарсы жұмыстар қарқынды жүргізілуде.Қозыбаев университеті де тыс қалған жоқ. Біздің еріктілер күн сайын тасқын судан қорғау құрылыстарын салуға, гуманитарлық көмек көрсетуге тікелей қатысуды жалғастыруда. Олар бекіністер мен уақытша қоршаулар салу үшін қапшықтарды құм,балшық толтырумен айналысады.
Сонымен қатар, білім ордамыздың бастамашыл тобы № 4 ОК, 101 каб. су тасқынынан зардап шеккен жандарға көмек жинап жатыр. Ұзақ мерзімді сақталатын тамақ өнімдері (күнбағыс майы, ұн, жарма, макарон, су, балаларға арналған тағам және т.б.), жеке гигиена құралдары (балалар мен ересектер үшін), басқа да қажетті заттар қабылданады.
Сондай-ақ тасқын су қауіпі бар аймақта және уақытша баспанаға мұқтаж студенттер, оқытушылар мен қызметкерлер үшін кампус жатақханаларында тегін орналастыру ұйымдастырылды. 100-ге дейін төсек-орын қарастырылған.
Университеттің психологиялық қызметі қиын кезеңде адамдарға кәсіби психологиялық көмек көрсетуге дайын. Кеңес алу үшін 8(7152)49-30-35 телефоны арқылы хабарласуға болады.