Қозыбаев университетінде су тасқынынан зардап шеккендерге көмек көрсетуге дайын еріктілер тобы құрылды. Бұл Аризона университетімен білім берудегі психология бағыты бойынша қос дипломды бағдарламалар бойынша оқитын студенттер, сондай-ақ, ЖОО психологиялық клубының қатысушылары. Барлығы 40 адам.
Олар үшін ТЖД психологтарымен тренингтер циклі ұйымдастырылды. Бірінші сабақ «ТЖ кезіндегі психологиялық көмек» тақырыбы бойынша өтті.
Студенттерге жедел желі телефонында және эвакопункттердегі адамдармен жұмыс істеу бойынша кіріспе нұсқама берілді. Бас маман-психологы, азаматтық қорғау аға лейтенанты Александра Юдаева төтенше жағдайдағы адамдармен өзара әрекеттесу тәжірибесімен бөлісті: «ТЖД жедел желісінің телефоны бойынша күніне 50-ге жуық қоңырау қабылдаймыз. Тұрғындар ақпараттық сипаттағы сұрақтармен хабарласады: қалай эвакуациялау керек, үй жануарларын уақытша орналастыру және т.б».
Естеріңізге сала кетейік, ЖОО-да 49-30-35 нөмірі бойынша психологиялық қызмет телефоны жұмыс істейді. Студенттермен осындай сабақтар бейсенбіде өткізіледі. Келесі тақырып: посттравматикалық күйзеліс бойынша психологиялық көмек көрсету.
