Университетте Қазақстан ғылым Академиясының тұңғыш президенті Қ.И.Сәтбаев ның туғанына 125 жыл толуына арналған «Жаратылыстану ғылымдарының өзекті мәселелері» атты XII Халықаралық ғылыми-тәжірибелік конференциясы өтті. Іс-шара Мирзо Улугбек атындағы Өзбекстан Ұлттық университеті, Сургут мемлекеттік педагогикалық университеті және Әзірбайжан Ғылым Академиясының Дендрология институтымен серіктестікте ұйымдастырылды.
Конференция жұмысына Қазақстан, Ресей, Өзбекстан, Әзірбайжан, Финляндия, Румыния, Болгария ғалымдары қатысты. 150-ден астам мақала жіберілді, оның ішінде 50-ге жуығы алыс-жақын шетелдерден. Ғылыми қызығушылықтар аясы кең: климаттың өзгеруі жағдайында тау мұздықтарының деградация динамикасынан генетика мен эпигенетикаға дейін.
«Еліміздің жаратылыстану ғылыми бағытын зерттеуде, Солтүстік Қазақстанның ғылымы мен біздің ЖОО-ның ең көне математика және жаратылыстану ғылымдарының факультеті маңызды рөл атқарады. Факультеттің ПОҚ ҒЖБМ қаржыландыруы аясында ғылыми жобалармен белсенді жұмыс жасауда. Соңғы 5 жылда 400 млн.теңге көлемінде 10-ға жуық жоба ұтып алынды. Сонымен қатар, профессорларымыз А.Дюрягина мен П.Дмитриевке өткен жылдың ең керемет жобалары үшін алғыс айтқым келеді. Осының барлығы ғалымдарымыздың әлеуетінің жоғары екендігін айғақтайды», – дейді Басқарма Төрағасы – Ректор м.а. Рената Апергенова.
Сондай-ақ, бұл күні студенттердің республикалық ғылыми-зерттеу байқауының жеңімпаздары мен жүлдегерлері атап өтілді. Оқу ордамызда білім алып жатқан Аққайың ауданы Григорьев ауылдық округінің үздік студентіне жыл сайынғы бір реттік шәкіртақы тағайындалды. Стипендияны облыс әкімдігі ауыл шаруашылығы тауарын өндірушілерімен бірлесіп 100 мың теңге көлемінде белгіледі. Биыл оны ТжӘИ 1 курс студенті Марина Каримова алды.
Шараның келесі бөлімі: химия, экология және география саласындағы ғылым мен білімнің өзекті мәселелері, информатиканы, математиканы және физиканы оқытудың теориясы мен әдістемесі, қазіргі заманғы зерттеулер, биологиялық жүйелерді заманауи зерттеу бағыттары бойынша секциялық отырыстарда жалғасты.
