Университетте Марианна Лежнева атындағы органикалық синтез зертханасының салтанатты ашылуы өтті. Марианна Юрьевна ЖОО-ның құрметті профессоры, доцент, химия ғылымдарының кандидаты болды. 1989 жылдан бастап химия кафедрасында жұмыс істеді. «Қайыңның тритерпенді қосылыстары» тақырыбында ғылыми-зерттеу жұмыстарын жүргізіп, оқу ордамызда шамамен 40 жыл бойы сабақ берді.
«Бүгін маңызды оқиға. Керемет ұстаз, Марианна Лежневаның жеке зертханасын ашып жатырмыз. Өзінің қысқа ғана ғұмырында жақсы ана мен жар бола білді. Өз ісінің шебері ,ғылыммен, педагогиканы үйлестіре білген жан. Бұл біздің кафедра мен болашақ ұрпақ үшін үлгі», – деп бөлісті химия және химиялық технология кафедрасының меңгерушісі Антонина Дюрягина.
Салтанатты шараға Марианна Лежневаның туыстары, тәлімгерлері, әріптестері мен шәкірттері қатысты. Олар Марианна Юрьевнаның, зерттеу жұмыстарына көзқарасын, студенттерге деген қарым –қатынасын, адал қызметін жылы еске алды.
Марианна Лежневаның Қазақстан ғылымына қосқан үлесі өте жоғары. Ол ағаш өңдеу қалдықтары негізінде медицина және косметика өнеркәсібі үшін жаңа биотехнологиялық өнімдерді әзірледі. Органикалық химия бойынша 80-ге жуық ғылыми мақалалар, үш оқу құралы жарық көрді, 4 патент алды. Марианна Юрьевна бірнеше рет СҚУ үздік оқытушыларының бестігіне кірді.
Оның есімі университет қабырғасында және оның ғылыми-педагогикалық шеберлігі әрбір адамның жадында мәңгілікке сақталады.
