Қозыбаев университеті су тасқыны мен оның салдарымен күресуге барынша көмек көрсетуді жалғастыруда. Оқытушылар, қызметкерлер мен студенттер зардап шеккендерге жүк көліктерінен гуманитарлық көмек тасуға қатысады. Осы күндері біздің еріктілер су, азық-түлік, киім-кешек және басқа да қажетті заттарды жеткізді.
Әйелдер қауымы 9-15 сәуір аралығында АФ азық-түлік қауіпсіздігі зертханасында, меңгерушісі Ирина Әубәкірованың жетекшілігімен су тасқынына қарсы іс-шараларда жұмыс істейтін еріктілер мен әскери қызметшілерге азық дайындаумен айналысты. Барлығы 40-қа жуық қызметкер мен ПОҚ жұмылдырылды. Олар 80 келі бауырсақ, 9 келіден астам самса, 5 келі тоқаш жасады.
ЖОО-да № 4 ОК, каб. 101 су тасқынынан зардап шеккендерге көмек жинау пункті жұмыс істейді.