Оқу ордамыздың студенттері Республикалық ReCodeTau хакатонында «OMNI Green Technology» жобасымен 2 орынды иеленді, енді жастар жобаны Дубайдағы инвесторларға ұсынатын болады.
Байқауда қатысушылар omni green бағдарламалық қамтамасыз ету арқылы ферманы автоматтандыру жобасы туралы әңгімеледі. Нақты уақыт режимінде жұмысты бақылауға және кәсіпорынның маңызды көрсеткіштеріне негізгі талдауларды жасауға, сондай-ақ гидропоникалық, балық, құс фабрикаларында және басқа да ауыл шаруашылығы кешендерінде мөлшерленген жем беруді жүзеге асыруға көмектеседі.
Түркістанда 13-14 сәуір аралығында өткен сайысқа Қазақстанның түкпір-түкпірінен 20-дан астам команда қатысты.Келесі кезекте біздің білім алушылар Астанада жыл сайынғы Enactus Kazakhstan мектеп және студенттік кәсіпкерліктің Ұлттық кубогында өнер көрсетуге дайындалуда. Бұған дейін студенттер елімізде алғаш рет өтетін халықаралық әлем чемпионатына қатысу үшін лига кезеңінен өткен болатын. Бұл жастарға өз жобасын әлемдік аренада көрсетуге мүмкіндік береді.
«Бұл Қазақстанда өз жобамызды көрсету және іске асыру мүмкіндігі. Біз өте қуаныштымыз. Әрине әрі қарай жоғары белестерді бағындыруға қадам жасаймыз. Алда үлкен және елеулі жұмыс күтіп тұр», – деді ЖОО студенті Алдияр Эрсаин.