Агротехнологиялық факультеттің студенттері Eurasia Group Kazakhstan ұсынған «Цифрлық агролидерлер» байқауының жеңімпаздары мен жүлдегерлері атанды.Сайыстың финалы Көкшетау қаласында өтті. Жеңіс үшін Астана, Көкшетау, Петропавл және Чаглинка.а. қатысушылары бақтарын сынады. Қорытынды бағдарлама 2 күндік қарқынды жұмысты қамтыды: тимбилдингтер, шеберлік сабақтар, экскурсиялар, «Болашақтың трендтері» командалық турнирі, нақты жағдайды шешу.
«Қатысушылар батыл идеяларды ұсынды, олардың көпшілігі жаңа көзқарастары және жас ұрпаққа тән еркіндігімен ерекшеленді. Жыл сайын студенттердің байқауға деген қызығушылығы артып келеді:өзіңнің біліміңді дәлелдеуге, заманауи ауыл шаруашылығы туралы білуге, армандаған жұмысқа орналасуға бірегей мүмкіндік. Біздің болашақ цифрлық ауылшаруашылық көшбасшылары, бәсекелестік рухымен қатар, бірлік пен ынтымақтастықты ұстанады және саланың инновациялық мәселелерін дамытуға өздерінің күш - жігерлерін салуға дайын»,- деп атап өтті ұйымдастырушылар компания парақшасында.
Командалық байқауда университетіміздің студенттері Диана Мартысюк, Виктория Пичугина және Алдияр Ғабдулин 1 орынды және 450 000 теңгеге сертификат алды. Алдияр жеке есепте де жүлдегер атанды және Данияр Қожахметовпен бірге 2 орынды жеңіп, Германияға gremme зауытына сапар ұтты. Бұл ауыл шаруашылығына арналған техника өндірісінің әлемдік көшбасшысы. Eurasia Group Kazakhstan серіктестеріне студенттерге арнайы жүзеге асырып жатқан кәсіби мүмкіндіктері үшін алғыс айтамыз!
