Бүгін Көкшетаудан біздің студенттер үшін 1500 литр су жеткізілді. Қабылдау №1 жатақханада жүргізілді. Сонымен қатар 5 литрлікпен ауыз су әкелінді. Ол ЖОО жатақханаларында тұратын білім алушыларға арналған.
«Бүгін студенттерді Көкшетау және Степногорск қалалық мәслихаттарының, сондай-ақ Көкшетау қаласының Гормолзавод ЖШС депутаттары сумен қамтамасыз етті. Алғысымыз шексіз. Көкшетау қалалық маслихатының хатшысы Дастан Акимов пен Степногорск қалалық маслихатының хатшысы Олжас Джагпаровқа ерекше рахмет айтамыз. Олар берекелі іс жасады. Студенттеріміз көп, сондықтан ауыз суы қажет», -деді Қозыбаев университетінің Директорлар Кеңесінің Төрағасы Ғалым Байтук.
